මාර්තු මාසයේ පළමු දින 2ට පමණක් විදෙස් සංචාරකයන් 7000ක් ශ්‍රී ලංකාවට පැමිණ ඇති බව ශ්‍රී ලංකා සංචාරක සංවර්ධන අධිකාරිය වාර්තා කර ඇත.
මෙසේ ඔවුන් මෙරටට පැමිණෙන්නේ රුසියානු-යුක්‍රේන අර්බූදයද මධ්‍යයේයි.
මාර්තු 1 වන දින සංචාරකයින් 2,902 ක් සහ මාර්තු 2 වන දින නරඹන්නන් 3,994 ක් දිවයිනට පැමිණ ඇත. මෙම සංචාරකයින් මෙහෙයවනු ලැබුවේ අසල්වැසි දැවැන්තයා වන ඉන්දියාව විසිනි.
ඒ අනුව පෙබරවාරි මාසයේදී මෙරටට පැමිණි සංචාරක සංඛ්‍යාව 96,507කි. වසර දෙකකට පසු වැඩිම මාසික සංචාරක පැමිණීම පසුගිය පෙබරවාරි මාසයේදී වාර්තා කිරීමට ශ්‍රී ලංකාව සමත්ව තිබේ. 2020 මාර්තු මාසයෙන් පසු මෙරටට පැමිණි වැඩිම සංචාරක සංඛ්‍යාව එය බව ශ්‍රී ලංකා සංචාරක සංවර්ධන අධිකාරිය පවසයි.
මේ වසරේ ජනවාරි මාසයේදී සංචාරකයන් 82,327 දෙනකු මෙරටට පැමිණ තිබෙන අතර, පෙබරවාරි මාසයේදී පැමිණි 96,507ත් සමඟ පසුගිය මාස දෙකක කාලය තුළ මෙරට සංචාරකයන් 178,834 දෙනකු පැමිණ ඇත. 2021 වසරේදී මෙරටට පැමිණි සංචාරකයන් ගණන 194,495ක් වන අතර, පෙබරවාරි මාසයේ දින 5 තුළ දෛනිකව මෙරටට පැමිණි සංචාරකයන් සංඛ්‍යාව 4,000 ඉක්මවීම විශේෂත්වයකි.
මේ වසර තුළ සංචාරකයන් වැඩි වශයෙන් පැමිණ ඇත්තේ රුසියානු සමූහාණ්ඩුවෙන් වන අතර, එම සංඛ්‍යාව 28,818කි. ඉන්දියානු සංචාරකයන් 24,495ක් මෙරටට පැමිණ ඇති අතර, එක්සත් රාජධානියෙන් සංචාරකයන් 18,084 දෙනෙක්, ජර්මනියෙන් සංචාරකයන් 13,119ක් සහ යුක්රේනයෙන් සංචාරකයන් 13,062ක් පැමිණ ඇත.
