පළාත් පාලන මැතිවරණය පැවැත්වීම සම්බන්ධයෙන් නිශ්චිතභාවයක් නොමැති වීම තුළ එම මැතිවරණය සඳහා නාමයෝජනා භාරදී තිබෙන රජයේ සේවකයින් දැඩි අපහසුතාවකට පත්ව සිටින අතර ඔවුන්ගේ වැටුපෙන් කොටසක් හෝ දීමට රාජ්‍ය පරිපාලන අමාත්‍යාංශය කටයුතු කර නොමැති බව පාර්ලිමේන්තු මන්ත්‍රී ගාමිණී වලේබොඩ මහතා පවසයි.
මැතිවරණ කොමිසමද මේ සම්බන්ධයෙන් කිසිදු සංවේදීතාවක් නැති බවත් අප්‍රේල් මස වැටුපද එම පිරිසට අහිමි වීමේ සලකුණු පවතින බවයි මන්ත්‍රීවරයා සඳහන් කරන්නේ.
ඒ අනුව අද දවසේදී මේ සම්බන්ධයෙන් කැබිනට් මණ්ඩලය සාධනීය තීරණයක් නොගන්නේ නම් කණ්ඩයම් දෙකක් ලෙස මැතිවරණ කාර්යාලයේත් රාජ්‍ය පරිපාලන අමාත්‍යාංශයෙත් පදිංචි වීමට කටයුතු යොදා තිබෙන බව වලේබොඩ මහතා අවධාරණය කරයි.
ඒ අනුව පක්ෂ භේදයකින් තොරව නාමයෝජනා භාර දී තිබෙන රාජයේ සේවයේ නියුතු ඕනෑම කෙනෙකුට ඊට සම්බන්ධය විය හැකි බවද හෙතෙම කියාසිටියි.
ආශිකා බ්‍රාහ්මණ
