තවදුරටත් වත්මන් ආණ්ඩුව තුළ රැඳී සිටින්නේද, නැද්ද යන්න පිළිබඳ අවසන් තීරණය ගැනීමේ බලය ශ්රී ලංකා නිදහස් පක්ෂ මධ්යම කාරක සභාව විසින් එම පක්ෂ නායක මෛත්රීපාල සිරිසේන මහතාට පවරා දුන් බවත් ඒ අනුව සතියක් තුළ ඒ පිළිබඳ තීරණය ප්රකාශයට පත් කෙරෙනු ඇති බව එම පක්ෂයේ ජ්යේෂ්ඨ උපසභාපති මහාචාර්ය රෝහණ ලක්ෂ්මන් පියදාස මහතා පවසයි.
“මධ්යම කාරක සභාවේදී සියලුම සාමාජිකයින් එක හඬින් කියා සිටියා ආණ්ඩුව තුළ තවදුරටත් ඉන්න බැහැයි කියන කාරණය. නමුත් ඒ පිළිබඳව අවසාන තීරණය ගැනීමට ශ්රී ලංකා නිදහස් පක්ෂයේ සභාපතිතුමා, අපේ හිටපු ජනාධිපතිතුමා, මෛත්රීපාල සිරිසේන මැතිතුමාට අපි අවසර දුන්නා. සතියක් ඇතුළත එතුමා සිය අදහස ප්රකාශ කරනවා ඒ පිළිබඳ තීරණය ගැනීමට”
මහාචාර්ය රෝහණ ලක්ෂ්මන් පියදාස මහතා මේ බව පැවසුවේ ඊයේ (01) රාත්රියේ පැවති ශ්රීලනිප මධ්යම කාරක සභා රැස්වීමකින් අනතුරුව මාධ්ය වෙත අදහස් දක්වමිනි.
RN
