සටහන – රෂිකා හෙන්නායක
අප්රේල් 11, කොළඹ (LNW): අධිවේගී මාර්ග පද්ධතිය හරහා මෙවර අලුත් අවුරුදු උත්සව සමයේදී, වාහන ලක්ෂ එකහමාරත් දෙකත් අතර ප්රමාණයක් ගමන් කරනු ඇතැයි මාර්ග සංවර්ධන අධිකාරියේ අධ්යක්ෂ ජනරාල් එස්.එම්.පී. සූරියබණ්ඩාර මහතා කියා සිටී.
අධිවේගී මාර්ග පද්ධතියේ දිනකට සාමාන්යයෙන් වාහන ලක්ෂයත්,එක් ලක්ෂ දස දහසත් අතර සංඛ්යාවක් ධාවනය වන බවත්,ඉකුත් වසරේ (2023) නත්තල් සමයේදී පමණක් වාහන 145,000ක් ධාවනය කෙරුණු බවත් කියා සිටියේය .
මෙවර අලුත් අවුරුදු සමයේදී අධිවේගී මාර්ගයේ මුදල් අයකරන ගේට්ටු සියල්ලම විවෘත කිරීමට කටයුතු යොදා ඇති බවත්, මෙමස 16 සහ 17 යන දෙදින තුළදී කොළඹ දෙසට අධිවේගී මාර්ග හරහා පැමිණෙන වාහන සංඛ්යාව ඉහළ යනු ඇතැයිද අධ්යක්ෂ ජනරාල්වරයා පැවසීය.
