ජනාධිපතිවරණය සඳහා ශ්‍රී ලංකා පොදුජන පෙරමුණෙන් අපේක්ෂකයෙක් ඉදිරිපත් කරන්නේද යන්න සම්බන්ධයෙන් තවමත් තමන් නොදන්නා බව ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග මහතා පවසයි.
ප්‍රශ්නය – දැන් ජනාධිපතිවරණයට ඇත්තටම පොහොට්ටුවෙන් අපේක්ෂකයෙක් ඉදිරිපත් වෙනවද ?
“ඒක අපි තාම දන්නෙ නෑ. ඒක පිළිබඳ තීන්දුවක් නෑ. මේ වෙනකොට ඉදිරිපත් වෙනවායි කියලා තියෙන කාණ්ඩය මාධ්‍ය ඕගොල්ලන්මයි අපිව දැනුවත් කරන්නෙ. ඉස්සරහට ඒක බලාගන්න පුළුවන්”
ප්‍රශ්නය – ඔබතුමාලා පොහොට්ටුවේ නායකයොනෙ ?
“නෑ, මං පොහොට්ටුවේ නායකයො නෙවෙයි. පොහොට්ටුවේ නායකයො සම්බන්ධ වෙච්චි දේශපාලන බලමණ්ඩලයේදී අනාගතයේදී තීන්දුවක් ගන්නවා කිව්වා, එච්චරයි”
ප්‍රශ්නය – පොහොට්ටුවක් නැද්ද ඒ කියන්නෙ ?
“ඇයි නැත්තෙ ? පොහොට්ටුවෙ තමයි. මම අදටත් පොහොට්ටුවේ. අපි පොහොට්ටුවෙ තමයි කටයුතු කරන්නෙ”
ප්‍රසන්න රණතුංග මහතා මේ බව පැවසුවේ ඊයේ (22) ජාඇල ප්‍රදේශයේදී මාධ්‍ය වෙත අදහස් දක්වමිනි.
RN
