2020 – 2021 කාලසීමාව තුළ ශ්‍රී ලංකාවට සීනි ආනයනය කිරීම සම්බන්ධයෙන් තම සමාගමට එල්ල කරන අපහාසාත්මක චෝදනාවලට එරෙහිව නඩු පවරන බව පිරමිඩ් විල්මාර් සමාගම නිවේදනය කර තිබේ.
තමන් සෑම අවස්ථාවකදීම ශ්‍රී ලංකාවේ සියලු නීති සහ රෙගුලාසිවලට සම්පූර්ණයෙන්ම අනුකූලව ක්‍රියාකර ඇති අතර ආයතනික චර්යාවන්හි උසස්තම ප්‍රමිතීන්ට අනුව සදාචාරාත්මක ආකාරයෙන් නිරන්තයෙන් කටයුතු කර බවයි එම සමාගම නිවේදනයක් නිකුත් කරමින් පවසන්නේ.
ජනතා විමුක්ති පෙරමුණේ නායක අනුර කුමාර දිසානායක මහතා විසින් මෑතකදී මෙම චෝදනාව යළිත් ප්‍රසිද්ධියේම එල්ල කර තිබුණු අතර පිරමිඩ් විල්මාර් (ප්‍රයිවට්) ලිමිටඩ් සමාගමේ සභාපතිවරයා ලෙස කටයුතු කරන්නේ ව්‍යාපාරික සජාඩ් මවුසූන් මහතා ය.
RN