මැදවච්චිය විවිධ සේවා සමූපකාර සමිතියේ සභිකයින් තෝරාපත්කරගැනීමේ ඡන්ද විමසීමේදී ජාතික ජන බලවේගයේ කණ්ඩායම පරාජයට පත්කිරීමට සමගි ජන බලවේගය ප්‍රමුඛ ඒකාබද්ධ විපක්ෂ කණ්ඩායමට හැකිවී තිබේ.
එහිදී ඒකාබද්ධ විපක්ෂ කණ්ඩායම සභික ධුර 66ක් හිමිකරගෙන ඇති අතර ජාතික ජන බලවේගයේ කණ්ඩායමට ලැබී ඇත්තේ සභික ධුර 52ක් පමණි.
එම සමිතියේ සභික ධුර 120ක් සඳහා නියෝජිතයින් තෝරා පත්කරගැනීම වෙනුවෙන් වූ ඡන්ද විමසීම ඊයේ (16) දිනයේදී මැදවච්චිය ප්‍රාදේශීය ලේකම් බලප්‍රදේශයේ ඡන්ද මධ්‍යස්ථාන 20කදී සිදුකර තිබිණි.
මෙහිදී සභික ධුර දෙකක් පත්කරගැනීමට තිබූ එක් ඡන්ද මධ්‍යස්ථානයක ඝණ පූර්ණය නොමැතිවීම හේතුවෙන් එම ඡන්ද විමසීම අත්හැර තිබිණි.
