සටහන – රුවන් නෙළුගොල්ල
ජාතික ජන බලවේගයේ ජනාධිපතිවරණ අපේක්ෂක අනුර කුමාර දිසානායක මහතාව ඉදිරි ජනාධිපතිවරණයේදී කාන්තාවන්ගේ බලයෙන් අනිවාර්යයෙන්ම ජයග්රහණය කරවන බව පාර්ලිමේන්තු මන්ත්රීනී හරිනි අමරසූරිය මහත්මිය පවසයි.
“අනිවාර්යයෙන්ම අපේ ජනාධිපති අපේක්ෂක අනුර සහෝදරයාව එළඹෙන ජනාධිපතිවරණයෙන් ගැහැණු අපේ බලයෙන් අපි පත්කරන එක මං හිතන්නෙ මේ වෙනකොට අපි තහවුරු කරලා ඉවරයි. අනුර සහෝදරයා, ආයෙ දෙපාරක් හිතන්න ඕනෙ දෙයක් නෙවෙයි, ඒක අපි කරනවා. ඒක ගැන කිසිම සැකයක් තියාගන්න ඕනෙ නෑ. මොකෝ මේක අපි කරේ නැත්නම් මේක අපට වෙනස් කරන්න අවස්ථාවක් ආයෙ කාලෙකට එන්නෙ නෑ”
හරිනි අමරසූරිය මහත්මිය මේ බව පැවසුවේ ඊයේ (25) පැවති ජාතික ජන බලවේගයේ වව්නියා දිස්ත්රික් කාන්තා සමුළුව අමතමිනි.
