- ශ්‍රී ලංකා රුපියල ඇමරිකානු ඩොලරයට සාපේක්ෂව අධිප්‍රමාණය වෙයි: මහ බැංකුවට අනුව, සාමාන්‍ය විනිමය අනුපාතය රු. 296.58 දක්වා පහත වැටෙයි: ඩොලරයේ අගය රු. 364.58 සිට රු. 302.09 ට අධිප්‍රමාණය වීමට සමඟාමීව, 2023.02.17 දින සිට විදේශ ආයෝජකයන්ගේ භාණ්ඩාගාර බිල්පත් සහ බැඳුම්කරවල රු. බිලියන 135.7 ක් වූ විශාල වැඩිවීමක් සිදුව ඇති බව ද මහ බැංකු දත්ත පෙන්වා දෙයි.
- ආර්ථික ස්ථායීකරණය සඳහා අවශ්‍ය අයවැය සහාය සපයනු වස් ඇ.ඩො. මිලියන 350 ක ප්‍රතිපත්ති මත පදනම් වූ විශේෂ ණයක් ලබා දීමට ආසියානු සංවර්ධන බැංකුව කටයුතු කරයි: මෙම ණය, ජාත්‍යන්තර මූල්‍ය අරමුදල විසින් ලබා දෙන විශාල මූල්‍ය සහාය පැකේජයේ එක් කොටසක් ලෙස ශ්‍රී ලංකාවට ලැබෙන බව ද සඳහන්.
- MV X-Press Pearl ව්‍යසනයෙන් රසායනික ද්‍රව්‍ය හෝ තෙල් කාන්දුවක් සිදුව ඇති බවට වාර්තා වී නැති බවට නාවික හමුදාව උපුටා දක්වමින් සමුද්‍ර පරිසර ආරක්ෂණ අධිකාරිය පවසයි: වැඩිදුර විමර්ශන සඳහා එම මුහුදු කලාපයෙන් සාම්පල ලබා ගත් බව ද පවසයි.
- ආගමික සංහිඳියාවට බාධා කරන සුළු ප්‍රකාශ සිදු කිරීමේ චෝදනාව මත පොලීසිය විසින් අනුරාධපුර දී අත්අඩංගුවට ගනු ලැබූ පූජ්‍ය රාජාංගනේ සද්ධාතිස්ස හිමි මහේස්ත්‍රාත් නියෝගය පරිදි ජූනි 07 වන දින දක්වා රක්ෂිත බන්ධනාගාර ගත කෙරේ.
- අපනයන සහ කුඩා හා මධ්‍ය පරිමාණ ව්‍යාපාර සඳහා හදිසි සහාය ලබා දෙන මෙන් සමඟි ජන බලවේගයේ පා.ම. ආචාර්ය හර්ෂ ද සිල්වා ඉල්ලා සිටියි: මේ සම්බන්ධයෙන් රජයේ සැලැස්මක් නොමැති වීම හමුවේ විශාල අර්බුදයක් ඇති විය හැකි බවට අනතුරු අඟවයි: හර්ෂ ද සිල්වා යනු, මෙරට කුඩා හා මධ්‍ය පරිමාණ ව්‍යාපාර අඩපණ කරවීමට හේතු වූ නම්‍යශීලී විනිමය අනුපාත, ඉහළ පොලී අනුපාත සහ ණය පැහැර හැරීම සහ ප්‍රතිව්‍යූහගත කිරීම ආදිය ඇතුළත් ජාත්‍යන්තර මූල්‍ය අරමුදලේ වැඩසටහනක් වෙනුවෙන් දැඩිව පෙනී සිටි පුද්ගලයෙකි.
- බදු ආශ්‍රිත සිදුවීම් විභාගයට ගැනීම සඳහා නව අධිකරණයක් ස්ථාපිත කිරීමට කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය පවසයි: බදු සහ ඒ ආශ්‍රිත වංචා සම්බන්ධ නඩු නීති පද්ධතිය තුළ දැඩි පසුබෑමක් ඇති කරමින් කල් යමින් තිබෙන බව ද අවධාරණය කරයි.
- රට තුළ ආගමික සංහිඳියාවට බාධා පැමිණවීමට වෙර දරන පුද්ගලයන් හෝ කණ්ඩායම් පිළිබඳ විමර්ශනය කර ඔවුනට නඩු පැවරීමට විශේෂ පොලිස් ඒකකයක් ස්ථාපිත කිරීමට ජනාධිපති රනිල් වික්‍රමසිංහ තීරණය කරයි: මෙම කරුණ පිළිබඳව පොලිස්පතිවරයා සමඟ සාකච්ඡා කොට අදාළ පියවරයන් වහා ක්‍රියාත්මක කරන ලෙස තම උපදේශක, කාර්ය මණ්ඩල ප්‍රධානී සාගල රත්නායකට උපදෙස් දෙයි.
- වයඹ පළාතේ ගවයන් අතර ශීඝ්‍රයෙන් පැතිර යන වෛරස් රෝගයක් හේතුවෙන් ගව මස් ආහාරයට ගැනීමෙන් වළකින ලෙස සත්ත්ව නිෂ්පාදන හා සෞඛ්‍ය දෙපාර්තමේන්තුව ජනතාවගෙන් ඉල්ලා සිටියි.
- රජය සතු ව්‍යාපාර ප්‍රතිසංස්කරණවලට භාජනය වීමට නියමිත අතර, වාණිජ කටයුතුවල නියැලී සිටින අනෙකුත් රාජ්‍ය ව්‍යවසායන් ද රාජ්‍ය-පෞද්ගලික හිමිකාරිත්වය යටතේ “කාර්ය සාධන ප්‍රශස්තකරණයට” මුහුණ දීමට නියමිත බව හිටපු මුදල් අමාත්‍ය රවී කරුණානායක පවසයි: රජය සතු ව්‍යාපාර 527 න් 52 ක් ම උපායමාර්ගිකව වැදගත් ලෙස හඳුනාගෙන ඇති අතර, පෞද්ගලික අංශයේ ආයෝජන ඒවා සමඟ ක්‍රියාත්මක වීමට නියමිත බව සඳහන්.
- 2023 IPL ක්‍රිකට් තරඟාවලියේ අවසන් මහා තරඟය, සිය ඉනිමේ අවසන් පන්දුවේදී ගුජරාට් ටයිටන්ස් (Gujarat Titans) කණ්ඩායම කඩුලු 5කින් පරාජයට පත් කර ජය ගත් චෙන්නායි සුපර් කිංග්ස් (Chennai Super Kings) කණ්ඩායමට ශ්‍රී ලංකාවේ නැගී එන ප්‍රමුඛ පෙළේ තරුණ ක්‍රීඩකයන් දෙදෙනෙකු වන මහේෂ් තීක්ෂණ සහ මහේෂ පතිරණ ක්‍රීඩා කරති: ඩක්වර්ත් – ලුවිස් (Duckworth – Lewis) ක්‍රමය යටතේ, ගුජරාට් ටයිටන්ස් 214/4 (20) ලබා 171/5 (15) ලැබූ චෙන්නායි සුපර් කිංග්ස් හමුවේ පරාජය වෙයි.
