රෂිකා හෙන්නායක ජුනි 09, කොළඹ LNW :
රජයේ නිලධාරීන් සඳහා පිරිනමනු ලබන සහනදායී දුම්රිය වාර ප්රවේශ පත්ර නිකුත් කිරීමේ ක්රියාවලිය එළඹෙන ජූලි මාසයේ සිට ඩිජිටල්කරණය කිරීමට පියවර ගෙන ඇත.
මේ සඳහා හඳුන්වා දී ඇති ‘ප්රවේශ’ (Pravesha) වේදිකාව මඟින් රාජ්ය අංශයේ සේවකයන්ට වඩාත් කාර්යක්ෂම සහ පහසු සේවාවක් ලබා දීම රජයේ මූලික අරමුණයි.
මීට අදාළ ආයතනික ලියාපදිංචි කටයුතු දැනටමත් ආරම්භ කර ඇති අතර, සුදුසුකම් ලත් සේවකයන්ට වෙබ් අඩවිය හෝ ජංගම යෙදුම ඔස්සේ සිය ඉල්ලුම්පත් යොමු කළ හැකිය.
මෙම නවීකරණ වැඩසටහන මඟින් පොදු ප්රවාහන සේවාවේ ගුණාත්මකභාවය ඉහළ නැංවීමට මෙන්ම රජයේ ඩිජිටල් පරිවර්තන ඉලක්ක සපුරා ගැනීමට ද අපේක්ෂා කෙරේ.
තවද, මෙම පියවර හරහා ආර්ථික ස්ථාවරත්වය පවත්වා ගනිමින් රාජ්ය සේවක සුබසාධනය තවදුරටත් තහවුරු කිරීමට රජය කැපවී සිටින බව අවධාරණය කර ඇත.
