සටහන: සශිකලා මධුෂාණි, ජුනි 14,
ලෝකය (අවුට්බවුන්ඩ් ටුඩේ) : ඇමරිකා එක්සත් ජනපදයේ හිටපු ජනාධිපති ඩොනල්ඩ් ට්‍රම්ප් අදින වසර තුනකට පෙර එනම් 2021 ජනවාරි 6 වනදා ඔහුගේ ආධාරකරුවන් විසින් කල කෝලාහලයෙන් පසු මුල් වරට කැපිටල් හිල් වෙත පැමිණ ඇති බව වාර්තා වේ.
නොවැම්බරයේ ජනාධිපතිවරණයේ ප්‍රධාන අපේක්ෂකයා වශයෙන් මෙහිදී සිය පාක්ෂිකයන් අමතමින් ට්‍රම්ප් සඳහන් කර තිබුණේ, පක්ෂය තුළ පවතින ඕනෑම මතභේදාත්මක අවස්ථාවකදී එක්ව වැඩ කිරීමට තමා පොරොන්දු වන බවයි. ඉන් අනතුරුව ටම්ප් මෙහිදී ආයතනික ප්‍රධානීන් 200කගේ සංගමයක් ද හමු වී ඇත.
ට්‍රම්ප්ගේ මෙම සංචාරය සම්බන්ධයෙන් හිටපු ඩිමොක්‍රටික් සභා කථානායක නැන්සි පෙලෝසි මාධ්‍ය වෙත සඳහන් කර ඇත්තේ, ට්‍රම්ප් කැරැල්ලක උසිගැන්වීමට අපරාධය සිදු වූ ස්ථානයටම ගිය බවයි.
