පවතින ප්‍රශ්නවලට ආණ්ඩුව කිසිම විසඳුමක් නොදෙන තත්ත්වයක ජනතාව සමඟ කැරැල්ලට එකතු වෙන දවස වැඩි ඈතක නොවන බව ශ්‍රී ලංකා නිදහස් පක්ෂයේ මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා පවසයි.
මිනිස්සුන්ට දින පහ හය පෝලිම් වල සිටීමට සිදුව තිබෙන අතර විශාල ආර්ථික කඩා වැටීමක් සිදුව තිබෙන බවයි මන්ත්‍රීවරයා සඳහන් කරන්නේ.
මේ මොහොතේත් පවසන්නේ ප්‍රමාද නොවී සර්ව පාක්ෂික ආණ්ඩුවක් සාදන ලෙසත් ඊට අවශ්‍ය සහය දීමට කටයුතු කරන බවත් ජයසේකර මහතා කියා සිටියි.
පක්ෂයක දෙකක අයට පමණක් පවතින ප්‍රශ්න විසඳිය නොහැකි අතර සියලුම දෙනා එකතු වීම අවශ්‍ය බවයි හෙතෙම පවසන්නේ.
ASK
