සටහන – රෂිකා හෙන්නායක
කොළඹ (LNW): ජාත්‍යන්තර මූල්‍ය අරමුදලේ කොන්දේසි සපුරාලීම සඳහා වන පාර්ලිමේන්තු ක්‍රියාවලියෙන් 80% ක් පමණ මේ වනවිට අවසන් කර ඇති බව මුදල් රාජ්‍ය අමාත්‍ය රංජිත් සියඹලාපිටිය මහතා සඳහන් කරයි.
රජය පවසන්නේ, ලබන සැප්තැම්බර් මාසයේ පැවැත්වෙන ජාත්‍යන්තර මූල්‍ය අරමුදලේ ණය සමාලෝචන වැඩසටහනට සාර්ථකව මුහුණදීමට හැකි වෙතැයි විශ්වාසය පළ කරන බවයි.
රංජිත් සියඹලාපිටිය මහතා සඳහන් කළේ, ඔට්ටු හා සූදූ බදු සංශෝධනය කිරීමට අදාළ රෙගුලාසී ලබන මස මුල් සතියේ පාර්ලිමේන්තුවට ඉදිරිපත් කරන බවත් , ඒ ජාත්‍යන්තර මූල්‍ය අරමුදලේ කොන්දේසි වලට අනුකූලවයි. වෙතත් සංශෝධිත ඔට්ටු හා සූදූ බදු පසුගිය අප්‍රේල් මාසයේ සිට බලාත්මක වන අතර ලබන 8 වැනිදා හෝ 9 වැනිදා ඊට අදාළ රෙගුලාසි පාර්ලිමේන්තුවට ඉදිරිපත් කෙරෙනු ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
