මහනුවර ඇසල පෙරහැරේ දෙවන කුඹල් පෙරහැර ඊයේ (22) වීථි සංචාරය කරන අතරතුර අලින් දෙදෙනෙකු කුලප්පු වීම හේතුවෙන් නොසන්සුන්කාරී තත්වයක් උද්ගතව තිබිණි.
අලින් දෙදෙනා කුලප්පු වීමත් සමග පෙරහැර නරඹමින් සිටි පිරිස බියට පත්ව හිස් ලූ ලූ අත දිවයාමට පටන් ගත් අතර වැව රවුමේ සිට පෙරහැර නරඹමින් සිටි පිරිසක් වැවට පැනීම නිසා පොලිස් ජීවිතාරක්ෂක කණ්ඩායම් සහ නාවික හමුදා නිලධාරීන් එක්ව ඔවුන්ට බේරාගනු ලැබිණි.
කුලප්පු වූ අලින් දෙදෙනා දළදා වීදිය ඔස්සේ දිවගිය අතර එක් අලියකු රැජින හෝටලයේ කොරිඩෝවට කඩාවැදී කලබල කළ අවස්ථාවේදී ඇත්ගොව්වන් පිරිසක් එක්ව දැඩි ප්‍රයත්නයකින් පසුව එම අලියා බැඳ දැමීමට කටයුතු කරනු දක්නට ලැබිණි.
කලබල වූ අලින් දෙදෙනා ඉවත් කිරීමෙන් පසු පෙරහැර අඛණ්ඩව වීථි සංචාරය කරවීමට කටයුතු කෙරිණි.
සමාජ මාධ්‍ය තුළ පළවූ එහි වීඩියෝ කිහිපයක් පහතින් දැක්වේ.
RN
