රුසියාවේ හමුදා ශක්තිය වර්ධනය කිරීමට සහ යුක්රේනය වෙත අතිරේක හමුදා කැඳවීමට ජනාධිපති පුටින් ගත් තීරණයට එරෙහිව ආරම්භ කර ඇති උද්ගෝෂණ රුසියාව පුරා පැතිර ගොස් තිබෙනවා. මේ වනවිට ක්‍රෙම්ලිනය ඇතුළු නගර 30 කට ආසන්න ප්‍රමාණයක විරෝධතා පැවැත්වෙන බවයි වාර්තා වන්නේ.
උද්ගෝෂණයේ නිරත වූ පුද්ගලයන් 1300 කට වැඩි ප්‍රමාණයක් අත්අඩංගුවට ගෙන ඇති බව ජාත්‍යන්තර මාධ්‍ය වාර්තා කරනවා.
යුක්රේනය ආක්‍රමණය කිරීමට පුටින් ගත් තීරණයට විරෝධය පළ කරමින් රුසියාව තුළ විරෝධතා ආරම්භ වූ අතර දිනෙන් දිනම එම විරෝධතා සඳහා එක්වන රුසියානුවන්ගේ ප්‍රමාණය ඉහළ යමින් තිබෙනවා.
යුක්රේන ආක්‍රමණය රුසියානු ආර්ථිකයට දැඩි බලපෑමක් එල්ල කළ අතර එහි ප්‍රතිඵලයක් ලෙස රුසියානුවන් රට අතහැර යුරෝපා රටවල් කරා සංක්‍රමණය වෙමින් තිබෙනවා. එසේ රට අතහැර යන රුසියානුවන්ට අවස්ථාව ලබාදීමට ජර්මනිය කැමැත්ත පළකර තිබෙනවා. කෙසේ නමුත් ඇතැම් රටවල් රුසියානුවන් බාර ගැනීම ප්‍රතික්ෂේප කර ඇති බවයි වාර්තා වන්නේ.
UN
