සටහන – රෂිකා හෙන්නායක
කොළඹ (LNW): මෙරට ආර්ථිකය ශක්තිමත් කිරීමේ දී ඛනිජ සම්පත ඵලදායීව භාවිතයට ගැනීම පිළිබඳ අවධානය යොමු කර තිබෙන අතර ඛනිජ සම්පත් භාවිතයෙන් අගය එකතු කළ නිෂ්පාදන නිපදවීම තුළ ඒවාට ඉහළ වටිනාකමක් ලබාදිය හැකි බව, නාගරික සංවර්ධන හා නිවාස රාජ්‍ය අමාත්‍ය අරුන්දික ප්‍රනාන්දු මහතා පවසයි.
තවද, මෙරට පරිසරය සහ සාගරය ආරක්ෂා කර ගැනීමට නව පනතක් ගෙන ඒමට බලාපොරොත්තු වන බවද ඔහු කියා සිටියේය.
ඒ අනුව රටේ භූමිය ආරක්ෂා කරගනිමින් එම සියලු කටයුතු ක්‍රියාවට නැංවීම අපේක්ෂාව බවද ඔහු එහිදී සඳහන් කළේය.විශේෂයෙන්ම මෙරට කර්මාන්ත නඟා සිටුවීම වෙනුවෙන් බැංකුවක් ස්ථාපිත කිරීමට අපේක්ෂා කරන අතර ඇතැම් මූල්‍ය ආයතන ඉදිකිරීම් කර්මාන්තයට පහසුකම් සැලසීම සීමා කර ඇති බව ද රාජ්‍ය අමාත්‍යවරයා මෙහිදී පැවසීය.
ජනාධිපති මාධ්‍ය කේන්ද්‍රයේ ඊයේ (22) පැවති මාධ්‍ය හමුවකට එක් වෙමින් අමාත්‍යවරයා මේ බව කියා සිටියේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
