මෙයා කාලයක් තිස්සේ දේශපාලන වේදිකා දෙවනත් කරපු සැර කටක් තියෙන හාදයෙක්. හැබැයි මේ දවස්වල වැඩි සද්දයක් නෑ.
සාමාන්‍යයෙන් තුම්මුල්ල, ලෙමන්පෆ්, මාරාන්තික වගේ වචන කියනකොට දන්න අයට මෙයාව ටක්ගාලා මතක් වෙනවා.
දේශප්‍රේමයෙන් රට හදන හැටි ගැන අවුරුදු ගාණක් තිස්සේ කියකියා ඉන්න මෙයාට දැන් ටික කාලෙක ඉඳන් ආණ්ඩුවකට සෙට් වෙලා රට හදන්න ක්‍රමයක් නැති නිසා හරිම අප්සෙට් එකේ ලු ඉන්නෙ. ඔය අස්සේ නඩු ටිකකුත් ඇදි ඇදී තියෙනවා.
ඉතින් මෑතකදී ඡන්දයකුත් එන කතාවක් කැරකෙන නිසා මෙයා බල්ටියක් ගහන්න බලාගෙන විශේෂ කෙනෙක්ව හම්බුණා ලු. මෙහෙම හම්බෙලා තියෙන්නේ මෙයාම කාලයක් තිස්සේ පතුරු ඇර ඇර ඉඳපු කොළපාට පක්ෂෙ ලොක්කෙක් වීම සුවිශේෂයි.
හම්බෙලා කතා කරලා තියෙන්නේ ඒ දෙන්නා විතරක් නිසා කතාවේ වැඩි විස්තර තවම එළියට ඇවිත් නෑ.
කොහොම වුණත් මේකෙන් මෙයාව නායකයා කරගත්තු “උත්තර” කට්ටියට කටඋත්තර නැති සීන් එකක් වෙන්නත් පුළුවන් ලු ….
