Sunday, November 27, 2022
spot_img

Latest Posts

වසන්ත මුදලිගේත් හංගපු ආයුධ පෙන්නන්න එක්කගෙන යයිද ? – නීතිඥ මනෝජ් නානායක්කාර

අත්අඩංගුවට ගෙන රඳවා ගැනීමේ නියෝග මත සිරකර තබාගෙන සිටින වසන්ත මුදලිගේ ඇතුළු තිදෙනාගේ ජීවිත සම්බන්ධයෙන් බරපතල අවදානමක් මතුව ඇති බව නීතිඥ මනෝජ් නානායක්කාර මහතා පවසනවා.

වසන්ත මුදලිගේ මහතාට එරෙහිව නඩු ගණනාවක් පවරා ඇති නමුත් ඒ කිසිදු නඩුවක් මංකොල්ලකෑම්, ස්ත්‍රී දූෂණ, මහජන මුදල් වංචා කිරීම් වැනි අපරාධ සම්බන්ධයෙන් නොවන බව පෙන්වා දෙන නානායක්කාර මහතා පවසන්නේ ඔහු සිදුකළ අපරාධය රටේ ජනතාව වෙනුවෙන්, විශ්වවිද්‍යාල සිසුන් වෙනුවෙන් අරගල කිරීම බවයි.

රටේ ජනතාව වෙනුවෙන් පෙනී සිටීමේ වරදට අසාධාරණ ලෙස සිරගත කර සිටින වසන්ත මුදලිගේ පසුගියදා මල්වාන ප්‍රදේශයේ නිවසක් වෙත රැගෙන ගොස් ඇති බවත්, එසේ රැගෙන ගිය හේතුව ප්‍රකාශ කිරීමට හෝ පොලීසිය අසමත් බවත් නීතිඥවරයා සඳහන් කරනවා.

පසුගිය කාලයේදී ආයුධ සඟවා ඇති ස්ථාන පෙන්වීම සඳහා අපරාධකරුවන් රැගෙන ගොස් ඝාතනය කළ ආකාරයෙන්ම වසන්ත මුදලිගේ රැගෙන ගොස් ඝාතනය කරනු ඇතැයි සාධාරණ බියක් මතුවන බවයි මනෝජ් නානායක්කාර මහතා ප්‍රකාශ කරන්නේ. වසන්ත මුදලිගේ මහතාගේ හෝ අනෙක් පිරිසගේ හෝ ජීවිතවලට යම් හානියක් සිදු වුවහොත් ඔවුන් අසාධාරණ ලෙස රඳවා තබා ගැනීම සඳහා රඳවා ගැනීමේ නියෝගවලට අත්සන් කළ ජනාධිපතිවරයා, ආරක්ෂක ලේකම්වරයා වගකිව යුතු බවද ඔහු පෙන්වා දෙනවා.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.