සටහන – රෂිකා හෙන්නායක
කොළඹ (LNW): අද (06) දින හිටපු මහ බැංකු අධිපති අජිත් නිවාඩ් කබ්රාල් මහතා රට බංකොළොත්භාවයට පත්වීමට හේතු සෙවීමට පත්කළ පාර්ලිමේන්තු විශේෂ කාරක සභාවට යළි කැඳවා ඇත.
අජිත් නිවාඩ් කබ්රාල් මහතා පසුගියදා දුන් ප්රකාශය පිළිබඳ අද දිනයේ කාරක සභාවේ සාමාජිකයින් ප්රශ්න කරනු ඇති බව, රට බංකොළොත්භාවයට පත්වීමට හේතු සෙවීමට පත්කළ පාර්ලිමේන්තු විශේෂ කාරක සභවේ සභාපති පාර්ලිමේන්තු මන්ත්රි සාගර කාරියවසම් මහතා පවසයි.
රට බංකොළොත් බව ප්රකාශයට පත් කිරීම කුමන්ත්රණයක් බව අජිත් නිවාඩ් කබ්රාල් මහතා පසුගියදා කාරක සභාව හමුවේ ප්රකාශ කළාය.
තවද, රට බංකොළොත්වීම පිළිබඳව සකස් කළ වාර්තාවක් සම්බන්ධයෙන් කරුණු විමසීම අරමුණු කරගනිමින්, රට බංකොලොත්භාවයට පත්වීමට හේතු සෙවීමට පත්කළ පාර්ලිමේන්තු විශේෂ කාරක සභාව හමුවට විගණාකාධිපතිවරයාද කැඳවීමට තීරණය කර ඇති බව සාගර කාරියවසම් මහතා කියා සිටී..
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
