කොළඹ LNW:කර්මාන්ත හා ව්‍යවසායකත්ව සංවර්ධන අමාත්‍යාංශය මගින් මෙහෙයවන ලද ජාතික ඵලදායිතා මහ ලේකම් කාර්යාලය මගින් සංවිධානය කරන ලද ජාතික ඵලදායිතා සම්මාන 2025 /2026 පාදුක්ක දුම්රිය ස්ථානය රාජ්‍ය අංශයේ කුසලතා සම්මානයක් දිනා ගැනීමට හැකිවී තිබේ.
රාජ්‍ය ආයතන රාශියක් මෙම රාජ්‍ය සම්මාන උලෙළට අයඳුම්පත් යොමු කොට තිබූ අතර එහිදී පාදුක්ක දුම්රිය ස්ථානය රාජ්‍ය අංශයේ කුසලතා සම්මානයක් දිනා ගනිමින් එවැනි සම්මානයක් ලබාගත් ප්‍රථම දුම්රිය ස්ථානය ලෙස තේරී පත්ව ඇත.
මෙම දුම්රිය ස්ථානය මීට පෙර ද විවිධ අවස්ථාවන්වල රාජ්‍ය සම්මාන උළෙල සඳහා නිර්දේශ වී සම්මාන දිනා ගැනීමට සමත්වූ අතර එහි කටයුතු අධීක්ෂණය හා දුම්රිය ස්ථානය මනාව කළමනාකරණ කරමින් එම දුම්රිය ස්ථානයේ කාර්යමණ්ඩලය මෙන්ම පාදුක්ක දුම්රිය ස්ථානයේ මහ ජනතාවගේ ද විශේෂ සහයෝගයක් මෙම කටයුතු සඳහා හිමිව ඇත.
