සටහන – රෂිකා හෙන්නායක
කොළඹ (LNW): අද (09) බ්‍රෙන්ට් බොර තෙල් බැරලයක මිල ඩොලර් 4කින් පමණ ඉහළ ගොස් තිබුණි. ඒ අනුව නව මිල දැක්වුණේ ඩොලර් 86ක් ලෙසයි.
ජාත්‍යන්තර විචාරකයෝ පවසන්නේ, පලස්තීන හමාස් සංවිධානය විසින් ඊශ්‍රායලයට එල්ලකළ දැවැන්ත ප්‍රහාර නිසා මැද-පෙරදිග විශාල ගටලු රාශියකට මුහුණ පා අති අතර එය, ලෝක තෙල් මිල වැඩිවීමට බලපෑ හැකි බවයි. එයට හේතුව ලෙස විශාල ලෙස බලපා ඇත්තේ, හමාස් සංවිධානය ට උදව් කරනු ලබන්නේ ඉරානය වන බැවිණි.
විවිධ වෙළෙඳ බාධක පනවා තිබුණද ආසියානු වෙළෙඳපොළට ඉරාන බොර තෙල් සැපයුම නොකඩවා සිදුවෙන නමුත්, ඊශ්‍රායලය – පලස්තීන ගැටුම් තවත් උත්සන්න වුවහොත් , ඉරාන බොර තෙල් සැපයුමට ද බාධා එල්ලවීම නොවැලක්විය හැකි කරුණක් බව ජාත්‍යන්තර විචාරකයෝ පෙන්වා දෙති.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
