ත්‍රස්තවාදය වැළැක්වීමේ පනත අහෝසි කරන ලෙස ඉල්ලමින් කැළණිය විශ්වවිද්‍යාල පරිශ්‍රයේ සිට කොළඹ දක්වා යෑමට පැමිණි සිසු ජන පෙළපාලිය විශ්වවිද්‍යාලය අසලදීම විසුරුවා හැරීමට පොලීසිය අද(18)දින කටයුතු කළේය.
මෙහිදී පොලීසිය විසින් සිසුන් 7 දෙනෙකු අත්අඩංගුවට ගෙන ඇත.
මෙම විරෝධතා පාගමන සංවිධානය කරන ලද්දේ අන්තර් විශ්වවිද්‍යාලයීය ශිෂ්‍ය බලමණ්ඩලය මගිනි.
සිසු පාගමන කොළඹට යාම වැළැක්වීම සඳහා කැළණිය ටයර් සංස්ථා හන්දිය අසල නුවර පාර හරස්කර විශාල පොලිස් බලෑනියක් යොදවා සිටි අතර ජලප්‍රහාරක රථද ඒ අසල නවතා තිබුණි.
පොලීසිය පෙළපාලිය විසුරුවා හැරීමෙන් පසුව උද්ඝෝෂකයින් කැළණිය විශ්වවිද්‍යාලය ඉදිරිපිටදී උද්ඝෝෂණ රැළියක් පැවැත්වූහ.
සියලුම ඡායාරූප නරඹන්න! පහත link එකට පිවිසෙන්න!
