සටහන – රෂිකා හෙන්නායක
කොළඹ (LNW): Cryptocurrency හුවමාරු මධ්‍යස්ථාන දෙකක් කොළඹ වරාය නගරය තුළ පවත්වාගෙන යාමට අවසර දුන් බව, වරාය නගර කොමිසම රජයේ මුදල් පිළිබඳ පාර්ලිමේන්තු කාරක සභාවට දැනුම් දී තිබේ.
වරයා නගර කොමිසමේ නිලධාරීන් මේ බව දැනුම් දී ඇත්තේ, පසුගියදා මුදල් කාරක සභාව රැස්වූ අවස්ථාවේදී වන අතර , මෙම කරුණ සම්බන්ධයෙන් මහ බැංකුවේ මතය විමසන ලෙස මුදල් කාරක සභාව එහිදී නිර්දේශ කර ඇත.
කොළඹ වරාය නගර ආර්ථික කොමිෂන් සභාව පනත යටතේ සාදන ලද නියෝග සඳහා ද රජයේ මුදල් පිළිබඳ කාරක සභාවේ අනුමතිය හිමිව ඇති අතර, කොළඔ වරාය නගරයේ ක්‍රියාකාරී මට්ටමේ පවතින ව්‍යාපාරික සමාගම් ගිවිසුම්ගතවීම සම්බන්ධයෙන් නීතිපතිවරයාගේ මතය සති 4ක් ඇතුළත කමිටුවට ලබා දෙන්නැයිද එහිදි නිර්දේශ කර ඇති බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
