සටහන – රුවන් නෙළුගොල්ල
ජනාධිපති අනුර කුමාර දිසානායක මහතා ලබන දෙසැම්බර් මාසයේදී නිල සංචාරයක් සඳහා ඉන්දියාවට යාමට සූදානමින් සිටින බව විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා පවසයි.
දෙසැම්බර් මාසයේ මැද භාගයේදී යෙදෙන මෙම සංචාරයේදී අනුර කුමාර දිසානායක මහතා ඉන්දීය අග්රාමාත්ය නරේන්ද්ර මෝදි මහතා ද හමුවීමට නියමිත බව අමාත්යවරයා වැඩිදුරටත් සඳහන් කළේ.
අමාත්ය විජිත හේරත් මහතා මේ බව පැවසුවේ ඊයේ (නොවැම්බර් 18) නව කැබිනට් මණ්ඩලය දිවුරුම් දීමෙන් අනතුරුව මාධ්ය වෙත අදහස් දක්වමිනි.
