සටහන: සශිකලා මධුෂාණි
නොවැම්බර් 19; ලෝකය(අවුට්බවුන්ඩ් ටුඩේ) : එක්සත් ජාතීන්ගේ ආධාර රැගත් ලොරි රථ 109ක ප්රමාණයක් ගාසා තීරයේදී ප්රචණ්ඩ ලෙස කොල්ලකා ඇති බව පලස්තීන සරණාගතයින් සඳහා වන එක්සත් ජාතීන්ගේ ඒජන්සිය (Unrwa)සඳහන් කර තිබේ,
මෙම ලොරි රථ ඊශ්රායල පාලනය යටතේ පවතින කෙරම් ෂාලෝම් හරහා දකුණු ගාසා තීරය හරහා ගමන් කරමින් තිබියදී රියදුරන්ට තුවක්කු පෙන්වා පැහැරගෙන ඇති අතර සිද්ධිය ඇසින් දුටුවන් රොයිටර් වෙත ප්රකශ කර තිබුණේ, වෙස්මුහුණු පැළඳගත් පිරිසක් අත්බෝම්බ විසිකර රථ පෙළට ප්රහාර එල්ල කළ බවයි.
Unrwa කොමසාරිස් ජනරාල් Philippe Lazzarini සඳහන් කර තිබුණේ, ගාසා හි සිවිල් සාමය සම්පුර්ණයෙන්ම බිඳවැටී ඇති බවත්, මානුෂීය ආධාර මත යැපෙන මිලියන දෙකක ජනතාව සඳහා ආහාර හිඟය උග්ර වනු ඇති බවයි.
