ප්‍රවීණ රංගන ශිල්පියෙකු සහ ගුවන්විදුලි නිවේදකයකු වූ ඇල්ෆ්‍රඩ් පෙරේරා මහතා ඊයේ (20) පස්වරුවේ අභාවප්‍රාප්ත වී තිබේ.
මියයන විට ඒ මහතා 93 වැනි වියේ පසුවිය.
ශ්‍රී ලංකා ගුවන්විදුලි සංස්ථාවේ නිවේදකයකු වශයෙන් දීර්ඝ කාලයක් කටයුතු කළ ඒ මහතා අතිශයින්ම ජනප්‍රියත්වය පත් වූ “විනෝද සමය” වැඩසටහනේ නිර්මාතෘවරයා මෙන්ම ආරම්භක නිවේදකයා ද විය.
චිත්‍රපට ගණනාවක රඟපෑ ඔහු ටෙලිනාට්‍ය කිහිපයකට ද රංගනයෙන් දායකත්වය දක්වා තිබිණි.
එමෙන්ම ශ්‍රී ලංකා පාර්ලිමේන්තුවේ එසැණ භාෂා පරිවර්තකයකු වශයෙන් ද දීර්ඝ කාලයක් කටයුතු කර ඇති ඒ මහතා පිලිපීනයෙහි වෙරිටාස් ගුවන්විදුලි සේවයෙහි සිංහල අංශය භාරව ද කටයුතු කර ඇත.
RN
