Wednesday, November 30, 2022
spot_img

Latest Posts

එකම තැන වසර තුනට වැඩි පොලිස් ලොක්කන්ට ස්ථාන මාරු – ඇමති ටිරාන්

එකම පොලිස් ස්ථානයක වසර තුනකට වැඩි කාලයක් ස්ථානාධිපතිවරුන් ලෙස කටයුතු කළ පොලිස් නිලධාරීන්ට ස්ථාන මාරු ලබාදීමට තීරණය කර ඇති බව මහජන ආරක්ෂක අමාත්‍ය ටිරාන් අලස් මහතා පවසයි.

පොලිස් ස්ථානාධිපතිවරුන් පත්කිරීම සඳහා අයදුම්පත් කැඳවා ඇති අතර ඒ සඳහා අයදුම්පත් 1300ක් පමණ ලැබුණු බවයි අමාත්‍යවරයා සඳහන් කළේ.

එසේ අයදුම් කළ නිලධාරීන් සම්මුඛ පරීක්ෂණයකට ලක් කිරීමෙන් අනතුරුව දැනටමත් 1090 දෙනෙකු සුදුස්සන් වශයෙන් තෝරාගෙන ඇති අතර ඔවුන්ව නුදුරේදීම පොලිස් ස්ථානාධිපතිවරුන් වශයෙන් පත්කරන බවත් අමාත්‍යවරයා ප්‍රකාශ කළේය.

කිසිසේත්ම දේශපාලන බලපෑම් මත හෝ හිතවත්කම් මත පොලිස් ස්ථානාධිපතිවරුන් පත් නොකරන බව අවධාරණය කළ අමාත්‍ය ටිරාන් අලස් මහතා ඒ ඒ නිලධාරීන්ගේ සුදුසුකම් අනුව ඔවුන්ව නිවැරදි ස්ථානවලට පත්කිරීමට කටයුතු කරගෙන යන බවත් සඳහන් කළේය.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.