කොළඹ LNW:පාර්ලිමේන්තු මන්ත්රීවරුන්ගේ නිල නිවාස 74කින් විදුලිය ගාස්තු ගෙවීම පැහැර හැර ඇති බව විගණකාධිපති දෙපාර්තමේන්තුව අනාවරණය කර සිටියි.
2022 වර්ෂයට අදාළ විගණන වාර්තාවක් නිකුත් කරමින් එය අනාවරණය කර තිබෙන අතර එම නිල නිවාසවලින් අය විය යුතුව ඇති හිඟ මුදල රුපියල් මිලියන 16ක් බව සඳහන්.
එම සම්බන්ධතාවලින් 29කට අදාළ රුපියල් මිලියන 05ක මුදලක් වසර 06ක කාලයක් පුරා අය කර ගෙන නොමැති බවත් තවත් සම්බන්ධතා 30කට අදාළ රුපියල් මිලියන 03ක් වසරකට වැඩි කාලයක් ගෙවා නොමැති බවත් වාර්තා කර තිබේ.
මේ අතර 2022 වර්ෂය සඳහා නිසි අනුමැතියකින් තොරව විදුලි බල මණ්ඩල සේවකයන් සඳහා ඉංජිනේරු දීමනා, දිරි දීමනා හා තාවකාලික දීමනා වෙනුවෙන් රුපියල් මිලියන 418ක් වැය කර තිබෙන බවද එම වාර්තාව පවසයි.
ලංකා ඛණිජ තෙල් සංස්ථාව විසින් ඉන්ධන ප්රසම්පාදනය සම්බන්ධයෙන් සිදු කර තිබූ හෙජින් ගනුදෙනුව හේතුවෙන් පසුගිය දෙසැම්බර් 31 වැනි දින වන විට රුපියල් මිලියන 14,028ක පාඩුවක් සිදු ව ඇති අතර ඊට අදාළ ව සංස්ථාවට එරෙහිව පෞද්ගලික බැංකුවක් විසින් අමෙරිකානු ඩොලර් මිලියන 8.6ක අයිතියක් ඉල්ලා ගොණු කළ නඩුවක් ද තවදුරටත් විභාග වෙමින් පවතින බව විගණකාධිපති දෙපාර්තමේන්තුව සඳහන් කරයි.
ASK
