විමල් වීරවංශ මහතාගේ නායකත්වයෙන් යුත් උත්තර ලංකා සභාගය අද (27) “නුවර එළිය සම්ප්‍රාප්තිය” මැයෙන් සම්මන්ත්‍රණයක් සංවිධානය කර තිබුණු අතර එය ආරම්භ කිරීමට පෙර අද උදෑසන එහි පැමිණි පිරිසක් විසින් එහි වේදිකා සැරසිලි කඩාබිඳ දමා පුද්ගලයින් දෙදෙනෙකුට ද පහර දී ඇති බව එහි සංවිධායකයින් පවසයි.
මෙම සම්මන්ත්‍රණය හඟුරන්කෙත සංස්කෘතික මධ්‍යස්ථානයේදී පැවැත්විණි.
ඊට අදාළ සියලු කටයුතු සූදානම් කර තිබියදී අද උදෑසන එහි පැමිණ අදාළ පහරදීම සිදුකරනු ලැබුවේ සමගි ජන බලවේගයේ හඟුරන්කෙත සංවිධායක ජයලත් දිසානායක විසින් බවටයි සම්මන්ත්‍රණයේ සංවිධායකයින් පවසන්නේ. ඔවුන් ඒ සම්බන්ධයෙන් හඟුරන්කෙත පොලීසියට පැමිණිල්ලක් ද ඉදිරිපත් කර තිබේ.
ජයලත් දිසානායක යනු පාර්ලිමේන්තු මන්ත්‍රී එස්. බී. දිසානායක මහතාගේ සොහොයුරෙකි.
කෙසේවෙතත් අදාළ සම්මන්ත්‍රණය පෙර සූදානම් කර තිබුණු ආකාරයෙන් ම අද දිනයේදී විමල් වීරවංශ මහතාගේ ප්‍රධානත්වයෙන් පවත්වනු ලැබිණි.
RN
