කොළඹ LNW:අයහපත් කාළගුණ තත්ත්වය නිසා හානි සිදුවූ වගා හානි වෙනුවෙන් වන්දි ලබා දීමට රජයේ අවධානය යොමු කර ඇතැයි කෘෂිකර්ම නියෝජ්‍ය අමාත්‍ය නාමල් කරුණාරත්න මහතා පවසයි.
වන්දි ලබාදීමේ ක්‍රියාවලියේදී වී, බඩ ඉරිඟු, ලොකු ලූණු, අර්තාපල්, සොයා සහ ගම්මිරිස් යන භෝගයන්ට පමණක් වන්දි හිමිවන ක්‍රමවේදය වෙනස් කර මෙවර වර්ෂාවෙන් හානිවූ අනිකුත් භෝග වගා කළ ගොවීන්ටද යම් වන්දි මුදලක් හිමි විය යුතුය යන ස්ථාවරයේ තමන් සිටින බවයි නියෝජ්‍ය අමාත්‍යවරයා පවසන්නේ.
ඒ අනුව භාණ්ඩාගාරයේ පවතින මුදල් තත්ත්වයද සැලකිල්ලට ගෙන ඒ සඳහා යෝජනාවක් කැබිනට් මණ්ඩලය වෙත ඉදිරිපත් කිරීමට නියමිත බව සඳහන්.
ආශිකා බ්‍රාහ්මණ
