රෂිකා හෙන්නායක නොවැම්බර් 30, කොළඹ (LNW):
දේශීය ආදායම් දෙපාර්තමේන්තුව නිවේදනයක් නිකුත් කරයි.
ඒ, 2023/2024 තක්සේරු වර්ෂය සඳහා ආදායම් බදු වාර්තා ඉදිරිපත් කිරීමේ අවසන් දිනය අද (30) බවයි.
දෙපාර්තමේන්තුව පවසන්නේ, වාර්තා මාර්ගගත ක්‍රමයට පමණක් ලබා ගන්නා අතර , ඒ සඳහා තාක්ෂණික සහාය ලබා දීම සඳහා දේශීය ආදායම් දෙපාර්තමේන්තුවේ ප්‍රධාන කාර්යාලය, ප්‍රාදේශීය හා නගර කාර්යාල සාමාන්‍ය රාජකාරී දිනයක් මෙන් අද (30) දින විවෘතව පවතින බවයි.
දේශීය ආදායම් දෙපාර්තමේන්තුව දැනුම්දෙන්නේ, ආදායම් බදු ගෙවීම් සඳහා දේශීය ආදායම් දෙපාර්තමේන්තුවේ ප්‍රධාන කාර්යාලයේ හා ජාවත්ත කාර්යාල පරිශ්‍රයේ පිහිටා ඇති ලංකා බැංකු ශාඛාවද විවෘතව තබන බවයි.
