සටහන – රෂිකා හෙන්නායක
කොළඹ (LNW): ශ්‍රී ලංකාවේ පළමු කැරකෙන අවන්හල හෙවත් දකුණු ආසියාවේ වැඩිම උසකින් යුත් උත්සව ශාලාව 2023 දෙසැම්බර් මස මුලදී විවෘත කිරීමට නියමිතය.
Citrus Leisure PLC විසින් දකුණු ආසියාවේ උසම අවන්හල ලෙස ‘Blue Orbit’ හඳුන්වා දෙන අතර, ශ්‍රී ලංකාවේ ප්‍රථම කැරකෙන අවන්හල – කොළඹ පැමිණෙන ඕනෑම අයෙකුට නවමු අත්දැකීමකින් යුක්තව ආහාර ගැනීමට පහසුකම් සලසනු ඇත.
Citrus Leisure යනු දකුණු ආසියාවේ උසම ස්වයං ආධාරකය වන කොළඹ නෙළුම් කුළුණෙහි ඇති විශේෂ කැරකෙන අවන්හලේ සහ උත්සව ශාලාවේ සුවිශේෂී හිමිකරු ද වේ.
දෙසැම්බර් මස මුලදී එළිදැක්වීමට සැලසුම් කර ඇති “Blue Orbit” අවන්හල, පරිසරය සහ ආහාර පිසීම යන දෙඅංශයෙන්ම සැබවින්ම අද්විතීය අත්දැකීමක් සමඟින්, කොළඹ නගරයේ භෝජන සංග්‍රහය නව තලයකට ගෙන යාමට සූදානම් වේ.
ඕනෑම වේලාවක අමුත්තන් 225ක් සඳහා ආසන පහසුකම් සහිතව, Blue Orbit සැබෑ රසඥයන් ප්‍රබෝධමත් කිරීම සඳහා නිර්මාණය කර ඇති සූපශාස්ත්‍ර නිර්මාණ සමඟ අසාමාන්‍ය භෝජන අත්දැකීමක් ලබා දෙයි.
මෙම අවන්හලේ දිවා ආහාරය සහ රාත්‍රී ආහාරය සඳහා විදෙස් ආහරද සහිතව බුෆේ එකක් ඇතුළත් වන අතර එය පෙරවරු 11 සිට රාත්‍රී 11 දක්වා ක්‍රියාත්මක වේ.
මෙය පුද්ගලික හෝ වෘත්තීය ගමනක යෙදෙන Citrus Leisure විසින් “කොස්මික්” උත්සව ශාලාව ද හඳුන්වා දෙනු ලබන අතර, එය දකුණු ආසියාවේ උසම භෝජන සංග්‍රහ ශාලාව ලෙසින්, අමුත්තන් 350කට අසුන් ගත හැකිය.
Cosmic පූර්ණ ලෙසින් කළමනාකරණය කරන Citrus Leisure විසින් මංගල උත්සව සහ ආයතනික උත්සව සඳහා විශේෂයෙන් සකස් කරන ලද මෙනු ඔවුන් සතුව ඇත.
අමුත්තන්ට සැබවින්ම අද්විතීය සහ අමතක නොවන අත්දැකීමක් මෙමඟින් ලබගතහැකි බව ඔවුන් පවසයි.
‘කොස්මික්’ ද දෙසැම්බර් මස මුලදී එළිදැක්වීමට නියමිත අතර, මෙම නව ගමන් මඟ පිළිබඳව අදහස් දක්වමින් Colombo Lotus Tower Management Company Pvt Ltd හි ප්‍රධාන විධායක නිලධාරී මේජර් ජෙනරාල් ප්‍රසාද් සමරසිංහ (විශ්‍රාමික) පැවසුවේ,
“නෙළුම් කුළුණ නව තලයකට ළඟා වෙද්දී, එහි නව සේවා සම්බන්ධයෙන් Citrus Leisure ඉදිරිපත්වීම ගැන මම සතුටු වෙනවා ” ලෙසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
