සටහන – නිශ්මං රණසිංහ
කොළඹ (LNW):
ඔඩිෂා හී පැවත්වෙන යොනෙක්ස් සන්රයිස් ඔඩිෂා මාස්ටර්ස් බැඩිමින්ටන් තරගාවලිය නියෝජනය කරමින් ප්‍රධාන තරගකරුවන් 64 දෙනා අතර සිටින ශ්‍රී ලංකාවේ දුමිදු අබේවික්‍රම ඔස්ට්‍රියාවේ ලුකා වර්බර් ට එරෙහිව වට 2-0 ක් ලෙස සිය තරගය ජය ගැනීමට සමත් වුණා.ලකුණු 21 – 16 සහ 21 – 15 ක් ලෙස නිමාව දුටු මේ තරගයේ ජයග්‍රහණයත් සමඟ දුමිදු අද දිනයේදී ඉන්දියාවේ මිතුන් මංජුනාත් හමුවීමට නියමිතයි.
මිතුන් මේ තරගාවලිය නියෝජනය කරන ක්‍රීඩකයින් අතර පෙළගැස්මේ අංක පහට ශ්‍රේණිගතව සිටින ක්‍රිඩකයා වන අතර දුමිදු පරාජයට පත් කළ ඔස්ට්‍රියාවේ ලුකා වර්බර් ද ජාත්‍යන්තර ශේණිගත කිරීම්වලදි සිටින්නේ දුමිදුට වඩා ඉදිරි ස්ථානයකයි.
