රෂිකා හෙන්නායක දෙසැම්බර් 15, කොළඹ LNW :
යුධ හමුදාවේ සහයෝගය යටතේ දුම්රිය දෙපාර්තමේන්තු නිළධාරීන්ද ඒකාබද්ධව , ජල ගැලීම් හේතුවෙන් හානි වු අනුරාධපුරය සිට යාපනය දක්වා දුම්රිය මාර්ගයේ ප්‍රතිසංස්කරණ කටයුතු මේ දිනවල කඩිනමින් සිදුකරන බව දුම්රිය දෙපාර්තමේන්තුව පවසයි.
පසුගිය දා ජල ගැලීම් හේතුවෙන් අනුරාධපුරය සිට යාපනය දක්වා දුම්රිය මාර්ගයේ ස්ථාන රැසකට හානි සිදුව තිබූ අතර, වන්නි යුධ හමුදා නිළධාරීන් විසින් අනුරාධපුරය සිට යාපනය දක්වා දුම්රිය මාර්ගයේ ප්‍රතිසංස්කරණ කටයුතු වෙනුවෙන් සහයෝගය ලබාදෙමින් සිටින බව වාර්තා වේ.
