ශ්‍රී ලංකාවට සම්බාධක පනවන්නැයි චීනයේ සීවින් බයෝටෙක් පොහොර සමාගම එරට රජයෙන් ඉල්ලා සිටීමට තීරණය කර ඇති බව මාධ්‍ය වාර්තා කරනවා. මේ වනවිටත් අදාල සමාගම ශ්‍රී ලංකා බළධාරීන්ගේ ක්‍රියාකලාපය සම්බන්ධයෙන් චීන රජයට පැමිණිලි කර තිබෙනවා.
කාබනික ගොවිතැන ප්‍රචලිත කිරීමත් සමග ශ්‍රී ලංකා රජය චීනයේ සීවින් බයෝටෙක් සමාගමෙන් කාබනික පොහොර තොගයක් ඉල්ලුම් කළ අතර කෙසේ නමුත් පසුව එම පොහොර තොගය ප්‍රතික්ෂේප කළේය. ඊට හේතු වූයේ අදාල පොහොරවල අහිතකර ක්ෂුද්‍ර ජීවීන් සිටින බව අනාවරණය වීමයි.
කෙසේ නමුත් ඒ වනවිටත් අදාල පොහොර තොගය රැගත් නෞකාව ශ්‍රී ලංකාව ආසන්නයට පැමිණ තිබිණි.
ප්‍රතික්ෂේප වූ පොහොර තොගය සඳහා ඇමරිකානු ඩොලර් මිලියන 06 කට වැඩි මුදලක් අදාල සමාගමට ගෙවීමට ශ්‍රී ලංකා බළධාරීන් කැමැත්ත පළකර තිබෙන නමුත් සමාගම පවසන්නේ පොහොරවල සමස්ත වටිනාකම ගෙවිය යුතු බවයි. එම මුදල ලබා ගැනීම සඳහා ජාත්‍යන්තර නීතිය අනුව කටයුතු කිරීමටද සමාගම තීරණය කර තිබෙනවා.
මීට අමතරව ජාත්‍යන්තර ආයතන වෙත පැමිණිලි කරන බවද සීවින් බයෝටෙක් සමාගම පවසනවා.
සමාගමේ ඉල්ලීම මත ශ්‍රී ලංකාවට සම්බාධක පැනවීමට චීනය කටයුතු කළහොත් එය ශ්‍රී ලංකාවට බරපතල ගැටලුවක් වනු ඇත.
UN
