සටහන – රෂිකා හෙන්නායක
අප්රේල් 16, කොළඹ (LNW): ත්රිකුණාමලය රවුන්ඩ් අයිලන්ඩ් මුහුදු ප්රදේශයේ පසුගියදා සිදුකළ සෝදිසි මෙහෙයුමකිිින් තහනම් දැල් භාවිතයෙන් ධීවර කටයුතු සිදුකළ පුද්ගලයින් දහ හතර දෙනෙකු සමඟ ඩිංගි යාත්රා හතරක් නාවික හමුදා භාරයට ගෙන ඇත.
ශ්රී ලංකාවට අයත් මුහුද සහ වෙරළ කලාපය ඔස්සේ සිදුකෙරෙන නීති විරෝධී ධීවර කටයුතු මැඩපවත්වා, නීත්යානුකූල ධීවර කටයුතු ප්රවර්ධනය කිරීම වෙනුවෙන් නාවික හමුදාව නිරන්තර අවධානයෙන් සිටිමින් මෙහෙයුම් ක්රියාත්මක කරයි.
මෙම මෙහෙයුම මඟින් නාවික හමුදා භාරයට ගත් සැකකරුවන් අවුරුදු 25 ත් 63 ත් අතර වයසේ පසුවන මූතූර්, කින්නියා, වෙල්ලමානල් යන ප්රදේශයන්හි පදිංචිකරුවන් බවට හඳුනා ගෙන තිබෙන අතර , නාවික හමුදා භාරයට ගත් එම සැකකරුවන් දහ හතර දෙනා ඉදිරි නීතීමය කටයුතු සඳහා කොඩ්බේ ධීවර පරීක්ෂක කාර්යාලය වෙත භාර දීමට කටයුතු කර ඇත .
ඩිංගි යාත්රා හතර සහ තහනම් ධීවර ආම්පන්න ඉදිරි නීතීමය කටයුතු සිදුකරන තෙක් නාවික හමුදා භාරයේ සුරක්ෂිතව තබා ඇති බව පැවසේ.
