සටහන – රෂිකා හෙන්නායක
මැයි 04, ලෝකය (අවුට්බවුන්ඩ් ටුඩේ): ඇමරිකා විශ්වවිද්‍යාල එළඹෙන සති අන්තයේ පැවැත්වෙන උපාධි ප්‍රදානෝත්සවයන්ට ගාසා යුද විරෝධතාකරුවන් බාධා එල්ල කරනු ඇතැයි අපේක්ෂා කරන බව එරට මාධ්‍ය වාර්තා කරයි.
ඇමරිකාව පුරා විශ්වවිද්‍යාල උපාධි ප්‍රදානෝත්සවවලදී සිදුවිය හැකි බාධාවන් සඳහා මේ වන විට සූදානම් වෙමින් සිටින අතර, පලස්තීන හිතවාදී විරෝධතා පැවැත්වූ විශ්ව විද්‍යාල හතරක් මේ සති අන්තයේ උපාධි ප්‍රදානෝත්සව පැවැත්වීමට නියමිතයි.
කොලොම්බියා විශ්ව විද්‍යාලය ද ඒ අතර වන බව සඳහන් වේ.
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු කරමින් සිටින බව වාර්තාවේ.
