සටහන: සශිකලා මධුෂාණි, ජුනි 22,
ලෝකය (අවුට්බවුන්ඩ් ටුඩේ) : එක්සත් ජනපද ගුවන් යානා ප්‍රවාහන නෞකාවක් වන තියඩෝර් රූස්වෙල්ට්, දකුණු කොරියාව හා ජපානය සමඟ ඒකාබද්ධ හමුදා අභ්‍යාස පැවැත්වීම සඳහා දකුණු කොරියාවේ වරාය නගරයක් වන බුසාන් වෙත පැමිණ ඇති බව දකුණු කොරියානු නාවික හමුදාව ප්‍රකාශ කර තිබේ.
2023 අගෝස්තු මාසයේ පැවති කැම්ප් ඩේවිඩ් සමුළුවකදී, චීනයේ භයානක හැසිරීමට ප්‍රතිචාර වශයෙන් වාර්ෂික හමුදා පුහුණු අභ්‍යාස පැවැත්වීමට ජාතීන් තුනේ නායකයන් එකඟ වීමේ ප්‍රතිපලයක් වශයෙන් මෙම හමුදා අභ්‍යාසයන් පැවැත්වේ.
කෙසේ නමුත්, පසුගිය සතියේ රුසියානු ජනාධිපති ව්ලැඩිමීර් පුටින් වසර 24 කට පසු පළමු වරට උතුරු කොරියාවේ සංචාරයේ නිරත වෙමින් උතුරු කොරියානු නායක කිම් ජොන් උන් සමඟ අන්‍යෝන්‍ය ආරක්ෂක ප්‍රතිඥාවක් ඇතුළත් ගිවිසුමක් අත්සන් කිරීමට සමගාමිව මෙම යුධ අභ්‍යාසයන් පැවැත්වීම සම්බන්ධයෙන් විචාරකයන් විවිධ අදහස් ඉදිරිපත් කරමින් තිබේ.
