සටහන : සශිකලා මධුෂාණි
ජුලි 04, ලෝකය(අවුට්බවුන්ඩ් ටුඩේ) : ප්රකෝටිපති මුකේෂ් අම්බනිගේ බලපුත්රයා වන ආනන්ත් අම්බානි හා ඔහුගේ පෙම්වතිය වන රාධිකා මර්චන්ට් අතර විවාහය මෙම මස ජූලි 12 සිට 14 දක්වා පැවැත්වෙන බව වාර්තා වේ.
අතිවිශිෂ්ට පූර්ව විවාහ සැමරුම් දැනටමත් ප්රචාරය වෙමින් පවතින අතර විවාහය සම්බන්ධ තොරතුරු රහසිගතව සිදු වේ.
මාර්තු මාසයේදී, මෙම යුවළ බටහිර ජම්නගර් නගරයේ දින තුනක පූර්ව විවාහ උත්සවයක් පැවැත්වූ අතර, මාර්ක් සකර්බර්ග් සහ බිල් ගේට්ස් ඇතුළු ඉහළ පෙළේ අමුත්තන් 1,200 ක් පමණ එයට සහභාගී වූහ. ඉන්පසුව, මැයි මස අග සති අන්තයේ, මෙම යුවළ මිතුරන් සහ පවුලේ අය සඳහා උත්සවයක් දින හතරක් පුරා මධ්යධරණී නෞකාවක පවත්වා තිබිණි.
මුම්බායි විවාහ මංගල්යය ජූලි 12 සිට 14 දක්වා අනන්තගේ දෙමාපියන් වන මුකේෂ් සහ නීටා අම්බානිගේ නිවස වන තට්ටු 27කින් යුක්ත ඇන්ටිලියා හි පවත්වන අතර 16,000කට අධික පිරිසක් පැමිණෙතැයි අපේක්ෂා කෙරේ.
රටේ වඩාත්ම ප්රසිද්ධ නිර්මාණකරුවෙකු වන මනීෂ් මල්හෝත්රා විවාහ මංගල්යයේ නිර්මාණ අධ්යක්ෂවරයා ලෙස පත් කර ඇති අතර ඔහු සඳහන් කර තිබුණේ, ආහාර පිසීමේ සිට ඇඳුම් පැළඳුම් සහ පරිසරය, චිත්රවත් සංගීත් සිට උත්කර්ෂවත් පිළිගැනීම්, චාරිත්රානුකූල විවාහ දිනය දක්වා සෑම සිදුවීමක්ම සැලසුම් කර ඇත්තේ අමුත්තන් ප්රීතියෙන් ප්රමෝදයට පත් කිරීමට වන බවයි.
කෙසේ නමුත් මෙම විවාහ උත්සවය ආසියාවේ උත්කර්ෂවත්ම විවාහ උත්සවය වනු ඇති බවයි බොහෝ දෙනා විශ්වාස කරන්නේ,
