මුළු දිවයිනටම බලපාන පරිදි පනවා තිබුණු ඇඳිරි නීතිය අද (04) උදෑසන 06.00 ට ඉවත් කෙරිණි.
ඒ අනුව සෙනසුරාදා සවස 06.00 සිට නවත්වා තිබුණු ප්‍රවාහන කටයුතු යළි ආරම්භ කර තිබේ.
අද උදෑසන 06.00 සිට සැලසුම් කර ඇති පරිදි සියලු දුම්රිය ධාවනයට එක් කර ඇති බවයි දුම්රිය දෙපාර්තමේන්තුව පවසන්නේ.
එසේම අද දිනයේදී සාමාන්‍ය පරිදි පෞද්ගලික බස් රථ ධාවනය කෙරෙන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා ප්‍රකාශ කළේය.
RN
