කොළඹ LNW: අදට(30) යෙදී තිබෙන බලහත්කාරයෙන් අතුරුදහන් කළ වින්දිතයින්ගේ ජාත්යන්තර දිනයට සමගාමීව අතුරුදහන් වූවන්ගේ පවුල් එකමුතුව විසින් තානාපති සහ මහකොමසාරිස් කාර්යාල වෙත ඉල්ලීම් රැගත් සංදේශයක් භාර දීම සිදුකෙරුණි.
ඒ අනුව මෙරට පිහිටි ස්විට්සර්ලන්ත තානාපති කාර්යාලය, ඔස්ටේලියානු මහා කොමසාරිස් කාර්යාලය,එක්සත් ජනපද මහ කොමසාරිස් කාර්යාලය,කැනඩා තානාපති කාර්යාලය,ඇමරිකානු තානාපති කාර්යාලය ඇතුළු සියලුම තානාපති කාර්යාල හා මහ කොමසාරිස් කාර්යාල වෙත එම සංදේශය භාර දීම සිදු විය.
ඊට අතුරුදහන් වූවන්ගේ පවුල්වල සාමාජිකයින් එක්ව සිටි අතර සිය අතුරුදහන් සාමාජිකයින් වෙත යුක්තිය ඉටුකරගැනීම ඔවුන්ගේ අපේක්ෂාවයි.
මේ වන විට ජනාධිපතිවරණ ප්රචාරණ කටයුතුද ක්රියාත්මක වන පසුබිමක ඔවුන් විසින් සියලුම ජනාධිපති අපේක්ෂකයින් දැනුවත් කිරීමේ වැඩසටහනක්ද අද පස්වරුවේ සංවිධානය කර තිබේ.
ඒ අනුව ”වගවීම සඳහා වූ ප්රතිපත්තිමය වැඩපිළිවෙලක් කරා – සත්යය,යුක්තිය සහ හානි පූරණය ක්රියාවට නැංවීමට නිර්දේශ ඇතුළත් වාර්තාව” ඔවුන් වෙත පිළිගැන්වීම ද එහිදී සිදුකිරීමට නියමිතයි.
ජායාරූප – අජිත් සෙනෙවිරත්න
සියලු ඡායාරූප නරඹන්න
https://www.readphotos.com/photo-stories/689/Families%20of%20Missing%20Persons%20Protest
