කුමාර වෙල්ගමගේ දේහය පිළිබඳ අවසන් කටයුතු අද

සටහන – රුවන් නෙළුගොල්ල

අභාවප්‍රාප්ත හිටපු අමාත්‍ය කුමාර වෙල්ගම මහතාගේ දේහය පිළිබඳ අවසන් කටයුතු අද (30) පස්වරුවේ සිදුකිරීමට නියමිතව තිබේ.

ඒ අනුව අද පස්වරු 04.00 ට මතුගම ආදාහනාගාරයේදී ඒ මහතාගේ අවසන් කටයුතු සිදුකෙරෙනු ඇත.

කලක් තිස්සේ අසනීපයෙන් පසුවූ කුමාර වෙල්ගම මහතා පෙරේදා (28) අභාවප්‍රාප්ත වූ අතර ඒ වනවිට ඒ මහතා 74 වැනි වියේ පසුවිය.

ඒ මහතාගේ දේහය මේ වනවිට මතුගම, හොරවල පිහිටි නිවසේ තැන්පත් කර තිබේ.