සටහන – නිශ්මං රණසිංහ
නොවැම්බර් 28,(LNW) කොළඹ :
දකුණු අප්රිකාව සහ ශ්රී ලංකාව අතර පැවත්වෙන පළමු ටෙස්ට් තරගයට අයහපත් කාලගුණයෙන් එල්ල වූ බාධා නිසා පළමු දිනයේ තරගය අතර මැද දී නවතා දමන්නට සිඳු වුණා.එහෙත් ඒ වන විට ශ්රී ලංකා කණ්ඩායමේ වේග පන්දු බල ඇණිය විසින් දකුණු අප්රිකානු කඩුලු 4 ක් බිඳ දමා තිබුණා.
අසිත ප්රනාන්දු සහ විශ්ව ප්රනාන්දු යුගලය කඩුලු දවා ගැනීම අරඹමින් හොඳ ආරම්භයක් ලබා ගත් අතර ඉනික්බිති ලහිරු කුමාර කඩුලු 2 ක් දවා ගැනීමට සමත් විය.ඒ අනුව තරගය වැසි මැද නවත්වන විට දකුණු අප්රිකානු පිතිකරුවන් සිව් දෙනෙකුගේම කඩුලු ලකුණු 80 ට අහිමිව ගොස් තිබිණ.
අසිත සහ විශ්ව ලකුණු ලබා ගැනීමට ද කිසිඳු ඉඩක් නොදෙමින් තර්ජනාත්මක පන්දු යැවීමක නිරත වූ අතර ලහිරු කඩුලු ලබා ගත්තද යවන ලද පන්දු ඕවර් 4 සඳහා ලකුණු 35 ක් ලබා දී තිබිණි.නායක ටෙම්බා බවුමා ලකුණු 28 ක් ලබා නොදැවී කඩුල්ලේ සිට දකුණු අප්රිකානු ඉණිම ගොඩ නැඟීම සඳහා වෙහෙස දරමින් සිටියි.
ලකුණු පූවරුවට පහතින් පිවිසිය හැකිය. https://es.pn/4i2hRTj
