සටහන – නිශ්මං රණසිංහ
දෙසැම්බර් 15 ,(LNW)කොළඹ :
ශ්‍රී ලංකා ක්‍රිකට් ආයතනයට අනුබද්ධිත සංගමයක් වන ජනසතු සේවා ක්‍රිකට් සංගමයට අයත් ක්‍රීඩාංගණය නවීකරණය කරමින් එය ක්‍රීඩා සංකීරණයක් බවට පත් කිරීමට ශ්‍රී ලංකා ක්‍රිකට් කටයුතු කර ඇත. ශ්‍රී ලංකා ක්‍රිකට් ආයතනය සිය රටපුරා ක්‍රිකට් සංවර්ධන වැඩසටහනේ කොටසක් ලෙස NSCA ක්‍රීඩාංගණය සහ ක්‍රීඩාංගණ සංකීර්ණය ප්‍රතිසංස්කරණය කිරීමට මුල්‍ය ආධාර ලබා දීමට ඉදිරිපත් විය.
එය විවෘත කිරීමේ උත්සවය සදහා ජනසතු සේවා ක්‍රිකට් සංගමයේ සභාපති නලින් අපොන්සුගේ සහ ලේකම් උදය ඉමල්ෂගේ සහ විධායක කමිටුවේ ආරාධනයෙන් ශ්‍රී ලංකා ක්‍රිකට් සභාපති ශම්මි සිල්වා එක් වූ අතර එම අවස්ථාවට ශ්‍රී ලංකා ක්‍රිකට් ආයතනයේ ගෞරවනීය උප සභාපති රවීන් වික්‍රමරත්න, ගරු භාණ්ඩාගාරික සුජීව ගොඩලියද්ද, සහ ජාතික සංවර්ධන මධ්‍යස්ථානයේ ප්‍රධානී කමල් ධර්මසිරි ඇතුළු ඇතුළු ශ්‍රී ලංකා ක්‍රිකට් ආයතනයේ ජ්‍යෙෂ්ඨ නිලධාරීන්ගේ ද ප්‍රධානත්වයෙන් එම උත්සව අවස්ථාව ක්‍රියාත්මක විණි.
