සටහන – රුවන් නෙළුගොල්ල
පාර්ලිමේන්තු මන්ත්‍රී, වෛද්‍ය රාමනාදන් අර්ජුනා මහතා අත්අඩංගුවට ගෙන නීතිය ක්‍රියාත්මක කරන ලෙස අනුරාධපුර මහේස්ත්‍රාත් අධිකරණය නියෝග කර තිබේ.
ඒ, ඊයේ රාත්‍රියේදී මන්ත්‍රීවරයා විසින් අනුරාධපුර, රඹෑව ප්‍රදේශයේදී රථ වාහන පොලීස් නිලධාරීන්ගේ රාජකාරියට බාධා වන ආකාරයට කටයුතු කිරීමේ සිද්ධිය සම්බන්ධයෙන් අනුරාධපුර පොලීසිය අද (21) දිනයේදී අධිකරණයට කරුණු දැක්වීමෙන් අනතුරුව ය.
සැකකාර මන්ත්‍රීවරයා දණ්ඩ නීති සංග්‍රහයේ 183 සහ 344 යටතට වැටෙන වැරදි මෙන්ම මෝටර් වාහන පනත යටතට වැටෙන වැරදි ද සිදුකර ඇති බවට පොලීසිය අධිකරණයට කරුණු දක්වා ඇති අතර මන්ත්‍රීවරයාව අත්අඩංගුවට ගෙන විමර්ශන සිදුකර එම විමර්ශනවල ප්‍රගතිය පෙබරවාරි 03 වනදාට අධිකරණයට වෙත ඉදිරිපත් කරන ලෙසයි අධිකරණය නියෝග කර ඇත්තේ.
