කොළඹ LNW:පාර්ලිමේන්තුව ආහාර සම්බන්ධයෙන් මතුව තිබෙන විවාදාත්මක තත්ත්වයට පිළියමක් ලෙස නිසි ගෙවීමකට යටත්ව ආහාර ලබා දීම පිළිබඳ රජය අවධානය යොමුකර තිබෙන බව පසුගියදා ජනාධිපති අනුර කුමාර දිසානායක මහතා පැවසුවේය.
ඒ අනුව පාර්ලිමේන්තුවේ ආහාර වේලක මිල වැඩි කිරීමට අදාළ යෝජනාව ළඟදීම කැබිනට් මණ්ඩලයට යොමු කර අනුමැතිය ලබා ගන්නා බව සභානායක අමාත්ය බිමල් රත්නායක මහතා කියා සිටියේය.
අද (23) දිනයේදී අදාළ යෝජනාවට පාර්ලිමේන්තු ගෘහකාරක සභාවේ අනුමැතිය ලැබෙනු ඇතැයි අපේක්ෂා කරන බවත් ඒ අනුව ඉදිරියේදී පාර්ලිමේන්තුවෙන් ආහාර ගැනීමේදී මුදල් ගෙවා නියමිත ආහාර ලබාගත හැකි බවයි අමාත්යවරයා සඳහන් කළේ.
ආශිකා බ්රාහ්මණ
