සටහන – පුලී
මාර්තු 21, ලෝකය (අවුට්බවුන්ඩ් ටුඩේ): ලොස් ඇන්ජලීස් ප්රාන්ත ජූරි සභාවක් විසින් ස්ටාර්බක්ස් වෙතින් ලැබුණු උණුසුම් කෝපි පානයකින් දරුණු පිළිස්සුම් ඇති වූ සිද්ධියක් සම්බන්ධව මයිකල් ගාර්ෂියා නම් අයෙකුට ඩොලර් මිලියන 50 (£38.47m) ක වන්දියක් ප්රදානය කර ඇති බව විදෙස් මාධ්ය වාර්තා කරයි.
2020 පෙබරවාරි මාසයේදී තම රිය තුළදී ලිහිල් වූ කෝපි කෝප්පයක් ඔහුගේ උකුල මත වැටීමෙන් ඔහුගේ ලිංගික ප්රදේශයේ තුන්වන මට්ටමේ පිළිස්සුම් ඇති කර තිබේ.
බැරිස්ටා කෙනෙකු අතින් එම කෝපි කෝප්පය හරිආකාරයෙන් තැටියට දැමීමට අපොහොසත් වූ බවත්, ගාර්ෂියා එය ඔහු සන්තකයට ගත් විට, දැවෙන උණුසුම් පානය පිටතට ගලා ගොස් දරුණු පිළිස්සුම් ඇති කළ බවත් පෙන්වා දෙමින් ඔහුගේ නීතිඥයින් සාර්ථකව ඒ පිළිබඳ තර්ක කළහ.
කෝපි කෝප්පය නිසි ලෙස සුරක්ෂිතව ඇසුරුම් කිරීමට අපොහොසත් වීම සම්බන්ධයෙන් ස්ටාර්බක්ස් 100% ක් වගකිව යුතු බව මෙහිදී සොයා ගන්නා ලදී.
එලෙස දීමට සිදුවන වන්දි මුදල අධික බව පවසමින් සමාගම තීන්දුවට අභියාචනයක් ද ඉදිරිපත් කිරීමට සැලසුම් කරන බව පවසයි.
