නිශ්මං රණසිංහ අප්‍රේල් 23 කොළඹ LNW
කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගනයේ (RPICS) පිහිටි ජාතික ඉහළ කාර්ය සාධන මධ්‍යස්ථානයේ අති නවීන මංතීරු අටකින් යුත් පිහිනුම් තටාකය විවෘත කිරීම ඊට සුදුසුම,ක්‍රීඩාවෙන් රට ඉහළට රැඟෙන ගිය තිදෙනෙකු අතින් සිඳුවීම සුවිශේෂි විය.
ලෝකයේ අංක එකේ ක්‍රිකට් ක්‍රීඩිකාව ලෙස ඇගයුම් ලද චමරි අතපත්තු අතින් විවෘත කරන පීත්ත පටිය කැපී යද්දී එක් පසෙකින් එය ලොව වටිනාම ක්‍රීඩකයා ලෙස ඇගයීම් ලද සනත් ජයසූරිය අල්ලාගෙන සිටියේය.අනිත් පසින් එය අල්ලා සිටියේ ආසියානු මට්ටමෙන්,පොදු රාජ්‍ය මණ්ඩලීය මට්ටමෙන් රටට ජයග්‍රහණ ගෙනා සහ ඔලිම්පික් තරග නියෝජනය කරමින් වරක් සිය මූලික තරගයේදී එවකට ලොව සිටි මීටර් 400 සූරයා සහ ලෝක වාර්තාලාභියා වූ මයිකල් ජොන්සන්ව පවා පරාජය කළ වත්මන් ක්‍රීඩා නියෝජ්‍ය අමාත්‍ය සුගත් තිලකරත්නය.
