සමගි ජන බලවේගය විසින්, ආණ්ඩුවට එරෙහිව බාර දී ඇති විස්වාස භංග යෝජනාව විවාදයට ගන්නා දිනය පිළිබඳ තීරණය කිරීම සඳහා පාර්ලිමේන්තු කටයුතු පිළිබඳ කාරක සභාව හෙට රැස්වන බව කතානායක මහින්ද යාපා අබේවර්ධන මහතා පවසනවා. හෙට පෙරවරු 10 ට කතානායකවරයාගේ ප්‍රධානත්වයෙන් මෙම රැස්වීම ආරම්භවීමට නියමිතය.
රටේ මතුව ඇති වත්මන් අර්බුදකාරී තත්වය සම්බන්ධයෙන් මෙන්ම පසුගිය 06 වැනිදා පාර්ලිමේන්තුව අසල විරෝධතාවයේ නිරත පිරිසට එල්ල වූ පොලිස් ප්‍රහාරය සම්බන්ධයෙන්ද සාකච්ඡා කිරීමට නියමිතය.
මෙම පොලිස් ප්‍රහාරය සම්බන්ධයෙන් පොලිස්පතිවරයාගෙන් කරුණු විමසීමට කටයුතු කරන බව කතානායකවරයා සිකුරාදා පාර්ලිමේන්තුවට පොරොන්දු විය. ඒ අනුව අදාල ප්‍රහාරය සම්බන්ධයෙන් පරීක්ෂණයක් පවත්වා වාර්තාවක් බාරදෙන ලෙස කතානායකවරයා පොලිස්පතිවරයා වෙත ලිඛිත නියෝගයක් අද නිකුත් කිරීමට නියමිතව තිබිණි.
UN
