ඉන්ධන පිරවුම්හල් තුළ තිබෙන ඩීසල් තදබදය අද හෙට අවසන් වනු ඇති නමුත් පෙට්රල් බෙදා හැරීම සම්බන්ධයෙන් තවමත් නිශ්චිත තත්ත්වයක් නොමැති හෙයින් ඉන්ධන පිරවුම්හල් තුළ නිකරුණේ කාලය ගත කිරීමෙන් පලක් නැති බව ලංකා ඛනිජ තෙල් පෞද්ගලික ටැංකි රථ හිමියන්ගේ සංගමයේ සම ලේකම් ශාන්ත සිල්වා මහතා පවසයි.
ඊයේ පෙට්රල් නැව ගොඩබෑමක් සිදුවුණාද නැද්ද යන්න පිළිබඳ දැනුවත් වීමක් නැති හෙයින් පෙට්රල් බෙදා හැරීමේ හැකියාව ගැන නොදන්නා බවයි ඔහු සඳහන් කරන්නේ.
මේ අවස්ථාව වන විට සිදුවන්නේ අත්යවශ්ය සේවා සඳහා පමණක් පෙට්රල් බෙදාහැරීම බවද සිල්වා මහතා කියා සිටියි.
පෙට්රල් ගොඩ බෑමේ කටයුතු අවසන් වූ වහාම අවශ්ය ඕනෑම මොහොතක එම බෙදා හැරීමේ කටයුතු සිදුකිරීමට සූදානම් බවද ඔහු සඳහන් කරයි.
ASK
